“Нэгэн дээвэр дор” тэмцээн болов

Төрийн ордонд үйл ажиллагаа явуулдаг байгууллагуудын дунд жил бүр уламжлал болон зохион байгууллагддаг "Нэгэн дээвэр дор" Сагсан бөмбөгийн аварга шалгаруулах тэмцээн өчигдөр /IV.07/ Онцгой байдлын ерөнхий газрын "Аврагч" спорт хорооны зааланд боллоо.
 
Энэ жилийн тэмцээн нь Төрийн тусгай хамгаалалтын алба үүсч байгуулагдсаны 75 жилийн ойн нэрэмжит болон зохион байгуулагдсанаараа онцлог болсон бөгөөд уг тэмцээнийг Төрийн тусгай хамгаалалтын газрын /ТТХГ/ шадар хамгаалалтын тусгай тасгууд зохион байгуулсан юм.

Тэмцээнд нийт эрэгтэй 13 баг, эмэгтэй 6 баг оролцсоноос:

Эрэгтэй:

1-р байрыг УИХ-ын гишүүдийн туслахуудын баг,
2-р байрыг Засгийн Газрын Хэрэг Эрхлэх Газрын баг,
3-р байрыг ТТХГ-ын шадар хамгаалалтын тасгийн баг,

Эмэгтэй:

1-р байрыг ТТХГ-ын баг,
2-р байрыг Засгийн Газрын Хэрэг Эрхлэх Газрын баг,
3-р байрыг УИХ-ын гишүүдийн туслахуудын баг тус тус эзлэв.

Тэмцээний үеэр эрэгтэй, эмэгтэй шилдэг тоглогч, холын зайн шидэлтийн аваргуудыг тодруулсан ба эрэгтэй шилдэг тоглогчоор ТТХГ-ын багийн тоглогч, ахмад Г.Баярмагнай, эмэгтэй шилдэг тоглогчоор ЗГХЭГ-ын багийн тоглогч, Д.Ганцэцэгнар, холын зайн шидэлтийн аваргаар эрэгтэй төрөлд ТЗҮААЭГ-ын багийн тоглогч  Д.Батбаатар, эмэгтэй төрөлд ТТХГ-ын багийн тоглогч, дэслэгч Т.Цэрэннадмид нар тус тус шалгарлаа.

Б.ЭНХ