Ферги: “Ман Ю” алдаагаа давтахгүй

Английн "Премьер лиг"-ийн 32  дугаар тойргийн хамгийн оргил тоглолт өнөө шөнө Манчестер хотын хоёр багийн хооронд болно. Энэхүү тоглолтод "Манчестер Юнайтед" талбайдаа "Манчестер Сити"-г хүлээн авна. "Премьер лиг"-ийг тэргүүлэгч энэ хоёр багийн тоглолтын өмнө "Манчестер Юнайтед" багийн менежер Сэр Алекс Фергюсон "The telegraph"сэтгүүлд товчхон ярилцлага өгчээ.

Ферги "Өнгөрсөн жил бид талбайдаа "Сити"-д 6:1-ийн харьцаатай хожигдсон. Гэхдээ энэ улирал манай баг илүү хүчирхэг болсон тул өнгөрсөн жилийнх шиг зүйл болохгүй" гээд,

    - Өнгөрсөн жил бид маш харамсалтай байдлаар аваргын цомоо алдсан. Тиймээс энэ жил алдаагаа давтахгүйн тулд багаа илүү зохион байгуулалттай, хүчирхэг бүрэлдэхүүнтэй болгосон гэжээ.

Английн "Премьер лиг"-ийг 32 тойргийн дараах байдлаар 30 тоглолт хийсэн "Ман Ю" 77 оноотой, "Ман Сити" 68 оноотой тэргүүлж байна. Хэрвээ "Ман Ю" талбайдаа хожигдвол Английн "Премьер лиг"-ийг тэргүүлэгчдийн онооны зөрүү зургаа болж ойртоно.

Энэхүү тоглолт өнөө шөнө 03:00 цагаас /Улаанбаатарын цагаар/ "Ман Ю" багийн талбай Мөрөөдлийн театр гэггдэг "Олд траффорд" цэнгэлдэхэд болно. 

Б.БИЛЭГ