Испанийн Ла лигт өнгөрсөн улиралд 40, энэ улиралд 34 гоол оруулсан "Реал Мадрид"-ын гол хүч Роналдогийн гэрээ 2015 онд дуусах учиртай. Тиймээс "Реал"-ын удирдлагууд гол тоглогчоо авч үлдэхийн тулд гэрээг нь ямар нэг аргаар сунгахаар хичээж байгаа юм. Харин Роналдо өөрөө "Реал"-тай гэрээгээ сунгахгүй гэдгээ мэдэгджээ.Энэ нь түүнийг сонирхож байгаа "Манчестер Юнайтед", "ПСЖ" зэрэг олон багт мөнгөө бэлтгэх дохио өгсөн хэрэг боллоо. Гэхдээ Роналдо хэдий ингэж мэдэгдсэн ч гэсэн "Реал"-ын ерөнхийлөгч Перез гол тоглогчоо авч үлдэхийн тулд чадах бүхнээ хийнэ, түүнийг Испанид тоглосоор зодог тайлна гэдэгтээ илгэлтэй байгаа талаар ярьсаар байгаа юм.
Хэрвээ Роналдо гэрээгээ сунгахгүй бол хоёр жилийн дараа чөлөөт агент болно. Тиймээс "Реал"-ын удирдлагууд чухал тоглогчоо авч үлдэж чадахааргүй болвол гэрээ нь дуусахаас өмнө өндөр үнээр зарах биз ээ. Гэхдээ тэр болтол наад зах нь нэг жилийн хугацаа байна.
Н.ПУНЦАГ
Эх сурвалж: www.mminfo.mn
0 comments:
Post a Comment